EMRAT+PAMJE/ Pl*gosën rëndë një person, arrestohen dy persona në Kamëz
Nga OraNews Përditësimi i fundit 16 Prill 2026, 14:28
Dy shtetas të shpallur në kërkim janë arrestuar nga policia në kuadër të operacionit të koduar “Double”, pasi akuzohen për plagosje të rëndë me dashje, kryer në bashkëpunim.
Operacioni u finalizua nga specialistët e Komisariatit të Policisë Nr. 5, pas sigurimit të informacioneve për vendndodhjen e të dyshuarve.
Isak Mema, 45 vjeç, banues në Kamëz, i dënuar më parë për armëmbajtje pa leje;
Bilbil Ajazi, 38 vjeç, banues në Kamëz.
Sipas policisë, ndaj tyre është ekzekutuar urdhri i ndalimit i nxjerrë nga Prokuroria e Tiranës më 15 prill 2026, për veprën penale “Plagosja e rëndë me dashje”, kryer në bashkëpunim.
Nga hetimet dyshohet se më 3 prill 2025, dy shtetasit kanë goditur me sende të forta, për motive të dobëta, shtetasin A. H., duke i shkaktuar dëmtime të rënda.
Materialet procedurale i janë referuar Prokurorisë së Tiranës për veprime të mëtejshme.
