Irani rikonfirmon të drejtën për të pasuruar uranium, në nivel të negociueshëm
Nga OraNews Përditësimi i fundit 15 Prill 2026, 18:24
Ministria e Jashtme iraniane rikonfirmoi sot të drejtën “e padiskutueshme” të Teheranit për të pasuruar uranium, në një nivel, të cilin e konsideron “të negociueshëm”.
“E drejta për energji bërthamore civile nuk mund të hiqet nën presion ose përmes luftës”, tha zëdhënësi i Ministrisë së Jashtme iraniane, Esmail Baghai, gjatë një konference për shtyp.
“Lidhur me nivelin dhe llojin e pasurimit, ne gjithmonë kemi thënë se çështja është e negociueshme”, tha ai.
“Ne kemi këmbëngulur që Irani të jetë në gjendje të vazhdojë pasurimin sipas nevojave të tij”, shtoi ai, duke iu referuar një të drejte “të padiskutueshme”.
