Kaos në Kolorado/ Mbi 70 makina përplasen në dëborë, 8 të pl*gosur dhe një në gjendje të rëndë
Nga OraNews Përditësimi i fundit 15 Prill 2026, 17:34
Një aksident i madh ka ndodhur në një autostradë në shtetin e Kolorados në SHBA, ku janë përfshirë më shumë se 70 automjete.
Ngjarja ka ndodhur në kushte të vështira atmosferike, me dëborë të dendur dhe erëra të forta që e kanë bërë rrugën shumë të rrëshqitshme.
Si pasojë e përplasjes zinxhir, 8 persona kanë mbetur të plagosur, ndërsa një prej tyre ndodhet në gjendje të rëndë në spital.
Autoritetet kanë mbyllur përkohësisht një pjesë të autostradës, rreth 80 kilometra larg Denverit, duke shkaktuar trafik të rënduar në zonë.
Shkaqet e sakta të aksidentit janë ende në hetim, por dyshohet se kushtet e këqija të motit kanë ndikuar drejtpërdrejt në përplasjen masive.
