Zjarri në pallatin "Arlis shpk" / Gruaja kërkon njeriun e afërt: Nuk kam komunikuar, e ka të fikur telefonin
Nga OraNews Përditësimi i fundit 15 Prill 2026, 12:36
Banorët e kompleksit e kompleksit "Arlis" që u shkrumbua dje nga flakët kanë folur lidhur me ngjarjen. Një prej banoreve tregon se banesa e saj nuk është djegur, por shpreson që të ndërrohen të gjitha panelet e kompleksit me qëllim që banesat të jenë më të sigurta, nëse situata përsëritet.
“Shyqyr nuk më është djegur shtëpia. Të siguruar jemi, ka qenë goxha metri katror. Ne shpresojmë që të ndërrojnë të gjithë panelet, se mund të na ndodhë edhe ne. Nëse ndërrohen panelet jemi më të sigurt. Prej një viti e kam blerë shtëpinë”, tha banorja.
Ndërsa një tjetër grua tjetër ka shkuar pranë kompleksit për tu interesuar për një të afërmen e saj, pasi prej ditës së djeshme nuk kishte asnjë kontakt, madje edhe telefonin e kishte të fikur. Ajo shprehet se me të afërmin e saj nuk ka komunikuar fare dhe nuk e di se çfarë i ka ndodhur.
“Kam një njeriun tim, por ka telefonin e fikur. Nuk kam komunikuar, e ka të fikur telefonin, prandaj erdha të pyes. Nuk e di fare ca ka ndodhur. Nuk kam komunikuar që dje. Them mos është larguar nga shtëpia se s’ka mundësi”, tha qytetarja.
