Komploti terrorist në zhvillim
Nga OraNews Përditësimi i fundit 4 Gusht 2013, 09:05
Komploti kundër ambasadave amerikane është në zhvillim, ndërsa terroristët që do të kryejnë sulmet janë përzgjedhur dhe dërguar pranë objektivave të tyre të sulmit.Ky është informacioni që japin Shërbimet e Fshehta Amerikane, në lidhje me një sulm të presupozuar të Al-Kaedës, që ka shtyrë në mbylljen e 22 ambasadave amerikane në Lindjen e Mesme dhe Afrikën Veriore.Në raportimin e tyre, sipas “ANSA”-s, funksionarët e Shërbimeve Sekrete i referohen burimeve të “mirëinformuara”, me shumë gjasa brenda Al-Kaedës apo degëve të saj.Ajo që nuk është bërë e ditur për publikun është ora dhe objektivi konkret i sulmit, motiv për të cilat janë marrë të gjitha masat paraparake, si nga mbyllja e ambasadave dhe përforcimi i perimetrit mbrojtës në të gjitha selitë diplomatike të konsideruara nën kërcënim.
