Alicia Douvall u dhunua nga ish-i dashuri
Nga OraNews Përditësimi i fundit 31 Korrik 2013, 12:02
Modelja 34-vjeçare Alicia Douvall, e cila u bë e famshme pasi kreu 350 operacione plastike, në një intervistë ekskluzive shpjegoi me hollësi edhe sulmin nga ish i dashuri.
Modelja thotë se ishte duke shëtitur vajzën e saj të vogël Papaya dhe pa rënë në sy ai i kishte ndjekur për një kohë të gjatë. Në momentin që ato u futën në makinë ai hyri dhe e sulmoi. Ai i përplasi kokën disa herë dhe i gjuajti me grushta duke i thyer kockën e hundës.
Ajo shprehet se nga ky sulm të dyja mund të kishin humbur jetën pasi gjatë gjithë kohës Alicia kishte qenë në timon dhe kishte devijuar shumë herë nga rruga. Në momentin kur vajza e vogël Papaya filloi të bërtiste duke kërkuar ndihmë, ai ishte larguar.
Vetëm dy orë pas denoncimit dhe padisë nga ana e Alicias ai u arrestua dhe pritet të marrë dënimin. Sipas saj ky ishte një person me të cilin kishin pasur një lidhje afatshkurtër dhe për këtë fakt nuk mundi ta pranonte ndarjen.Gjatë intervistës modelja thekson se ka shumë kohë që ka humbur besimin tek meshkujt pasi falë babait të vajzës së madhe Giorgia është detyruar ta rrisë vajzën si një prind i vetëm edhe pse çdo fëmijë ka nevojë për figurën atërore. Pasi e la shtatëzanë ai e braktisi duke mos marrë asnjë përgjegjësi. Por nuk mbaroi këtu pasi e njëjta histori u përsërit dhe me babain e vajzës së vogël Papaya.
