Përmbytjet në Shqipëri/ Xhixho: Vendin nuk po e përmbytin reshjet, por korrupsioni qeveritar
Nga OraNews Përditësimi i fundit 10 Janar 2026, 20:12
Shqipëria përballet me përmbytje të përsëritura, por problematikat nuk lidhen vetëm me reshjet e shiut. Ekspertët dhe qytetarët pohojnë se shkaqet kryesore janë neglizhenca, paaftësia dhe korrupsioni në menaxhimin e parave publike.
Një shembull flagrant është hidrovori i Durrësit, një investim prej 19 milionë eurosh, që sot nuk arrin të përmbushë funksionin për të cilin u ndërtua. Qytetet si Gjirokastra përmbyten, ndërkohë që banesat, bizneset dhe rrugët mbeten nën ujë, ndërsa qeveria shmang përgjegjësinë duke e fajësuar motin.
Mungesa e shpalljes së gjendjes së jashtëzakonshme dhe mosdëmshpërblimi i qytetarëve për dëmet e shkaktuara janë dëshmi të një dështimi të qëllimshëm të institucioneve. Ky problem nuk është fatkeqësi natyrore, por pasojë e menaxhimit të dobët dhe investimeve të dështuara që kthehen në humbje për qytetarët.
