VIDEO/ Balliu vesh çizmet në Cërrik: Duhet të përmbyset qeveria që mos të përmbyten më shqiptarët
Nga OraNews Përditësimi i fundit 7 Janar 2026, 15:27
Situata emergjente e përmbytjeve ka nxjerrë në pah jo vetëm pasojat e reshjeve, por edhe dështimin e thellë të qeverisjes.
Në një reagim, deputeti i PD, Klevis Balliu e lidh situatën e rëndë drejtpërdrejt katastrofën me korrupsionin, abuzimin me fondet publike dhe mungesën e përgjegjësisë shtetërore, duke theksuar se përmbytjet nuk janë më thjesht fenomen natyror, por pasojë e keqqeverisjes.
Reagimi i deputetit të PD, Klevis Balliu:
Vjedhja dhe korrupsioni janë arsyeja pse vendi përmbytet nga të katër anët jo vetëm nga shirat, por nga keqqeverisja, abuzimi dhe mungesa totale e përgjegjësisë.
Ajo që është edhe më e turpshme është se nga qeveria nuk reagon absolutisht askush. Heshtje e plotë përballë një katastrofe që po përsëritet. Shqipëria është lënë në mëshirë të fatit.
