Berisha për revoltën e qytetarëve të Vlorës para bashkisë: Përshëndes këtë protest dinjitoze dhe qytetare

Nga OraNews Përditësimi i fundit 29 Dhjetor 2025, 13:27

Kryedemokrati Sali Berisha në një deklaratë për mediat ka përmendur gjithashtu protestën e qytetarëve të Vlorës, të cilët kanë mbetur pa ujë të pijshëm prej katër ditësh tashmë.
Berisha u shpreh se revolta e qytetarëve ishte dinjitoze dhe qytetare.

Fjala e Berishës:

“Dua të përshëndes përzemërsisht qytetarët e Vlorës për protestën e tyre dinjitoze, qytetare, për fibrën e tyrë qytetarë që reagon në mënyrën më të fuqishme.

Ja u zunë Gala-n në fyt, zyrtarëve makut që kanë vjedh paratë e furnizimit të ujësjellësit,

Protesta juaj është shpëtimtare kundër këtij regjimi.

Uji nuk mungon vetëm në Vlorë.

Uji mungon në mbarë Shqipërinë.

Arbitrariteti nuk ushtrohet vetëm në Vlorë. Arbitrariteti ushtrohet në çdo skaj të këtij vendi.

Për të shpëtuar duhet zëri juaj, duhet angazhimi juaj qytetarë, të përzëmë sa më parë këtë të keqe që ka rënë në krye të Shqipërisë.”