Spanjë, thirrje për dorëheqjen e kryeministrit Rajoy
Nga OraNews Përditësimi i fundit 15 Korrik 2013, 10:00
Kryeministri i Spanjës Mariano Rajoy po përballet çdo ditë e më tepër me zemërimin e njerëzve dhe me thirrje të përsëritura për të dhënë dorëheqjen pas skandalit të fundit që e lidh atë me njeriun që është nën hetime për korrupsion.El Mundo shkruan se Rajoy ka pasur një lidhje shumë të ngushtë me ish-shefin e thesarit Luis Barcenas. Ky i fundit është në gjyq dhe përballet me akuzat për korrupsion dhe mashtrim tatimor. Ky është episodi i fundit i skandaleve skandal që kanë zemëruar spanjollët, ndërsa vendi është në një recesion të thellë dhe papunësi rekord.Gazeta thotë se Rajoy dhe politikanë të tjerë të lartë kanë pranuar pagesa të paligjshme. Gazeta thotë se ka shënimet origjinale të shkruara nga ish shefi i thesarit.Ndërkohë dhe drejtuesi i partisë kryesore opozitare Alfredo Perez Rubalcaba i bëri thirrje kryeministrit për dorëheqjen e menjëhershme duke pasur parasysh situatën e paqëndrueshme politike në Spanjë"."Sjellja e Zotit Rajoy-së në këtë situatë mund të përmblidhet thjesht: heshtje, gënjeshtra, dhe pas asaj që kemi mësuar marrëveshje të fshehta për të përfituar "tha Rubalcaba.Raporti më i fundit i El Mundo përfshin një mesazh të shkruar nga kryeministri Rajoy dërguar Barcenas në janar të këtij viti. Gazeta thotë se bisedat tregojnë se Rajoy ka mbajtur "kontakte të drejtpërdrejta dhe të përhershme nga periudha maj 2011 deri në mars 2013.Barcenas po hetohet rreth akuzave se ai ka fshehur deri në 48 milion euro (£ 41m) në llogari të fshehta në bankat zvicerane. Prokurorët pohojnë se disa nga fondet burojnë nga donacione ilegale partiake apo rryshfete.
