Viktima e “Asiana Airlines” u shtyp nga zjarrëfikësit
Nga OraNews Përditësimi i fundit 14 Korrik 2013, 11:22
Ndërsa numri i viktimave të aksidentit të “Asiana Airlines” u rrit në tre, policia konfirmoi se një ndër dy vajzat kineze që ndërruan jetë i kishte mbijetuar përplasjes së avionit, por ishte shtypur nga një zjarrëfikëse gjatë evakuimit.Fluturimi 214 i kompanisë koreane u përplas me tokën dhe u përfshi nga flakët në fazën e uljes në aeroportin e San Françiskos, një javë më parë.
Ndonëse shumica dërrmuese e udhëtarëve arritën të largoheshin nga avioni në flakë, edhe pse dhjetëra prej tyre të lënduar, 16-vjeçarja Ye Meng Yuan nuk mundi t’ia dilte mbanë.
Tashmë, autopsia e trupit të saj tregon një të vërtetë të hidhur, që pavarësisht aksidentit, ajo mund të ishte shpëtuar.Në fakt, adoleshentja i kishte mbijetuar fazës paraprake të uljes së avionit, por në përshtjellimin e krijuar gjatë evakuimit, ishte mbuluar me shkumën e përdorur nga zjarrëfikëset për të luftuar zjarrin.Tërësisht e mbuluar, ajo ishte shtypur më pas prej një makine të ndihmës së shpejtë, disa metra larg avionit, ku me sa duket kishte arritur të shkonte me këmbët e saj.Për momentin, nuk është ende e qartë nëse adoleshentja ishte ende në jetë kur u godit nga automjeti.
