Salma Hayek harron që është në emision, përkëdhel prezantuesin
Nga OraNews Përditësimi i fundit 12 Korrik 2013, 13:21
Ylli i filmit Desesperado, Salma Hayek u paraqit mjaft mirë në emisionin Late Night With Jimmy Fallon. Duket se vitet nuk kalojnë për aktoren pasi arriti të mahniste të gjithe kur u paraqit në formën e saj më të mirë.
Salma e veshur me të zeza, flokët e gjatë, një varëse dhe me humorin që e karakterizon ndoqi instiktin e nënës kur pas një komplimenti nga ana e prezantuesit, harroi pyetjen që ju bë gjatë intervistës i vuri dorën në kokë e përkëdheli dhe i tha : " Jimmy- ti je një djalë i mirë". Si tek prezantuesi ashtu dhe tek publiku kjo thënie nga ana e saj shkaktoi shumë të qeshura.
Atmosfera humoristike u la pas për ti lënë radhë lojës me gota të kuqe e cila është karakteristikë e këtij emisioni, në të cilën padyshim 46 vjeçarja meksikane doli fituese.
Sipas komenteve të fansave të saj aktorja arriti dhe njëhërë që përveç bukurisë, dhe aktrimit ti bënte për vete ata si me humorin ashtu dhe me karakterin e saj.
