Konfirmohet më e keqja, mbrojtësi i Arsenalit mbyll sezonin
Nga OraNews Përditësimi i fundit 3 Prill 2025, 16:54
Sezon i mbyllur për Gabriel Magalhães. Ka ardhur përgjigja më e keqe e mundshme nga ekzaminimet e mbrojtësit brazilian të Arsenalit, pas dëmtimit në gju të pësuar gjatë derbit të Londrës kundër Fulham-it, të martën në mbrëmje.
"Pasi u zëvendësua gjatë ndeshjes kundër Fulham-it të martën – thuhet në komunikatën zyrtare të ‘Gunners’ – mund të konfirmojmë se Gabriel Magalhães ka pësuar një dëmtim në tendinën e gjurit, i cili do të kërkojë ndërhyrje kirurgjikale.
Gabi do t’i nënshtrohet një operacioni në ditët në vijim për riparimin e tendinës së gjurit dhe do të nisë menjëherë programin e rikuperimit dhe rehabilitimit, me synimin për të qenë gati në fillim të sezonit të ardhshëm."
Kështu, mungesë e sigurt në Premier League për lojtarin, por edhe lamtumirë Ligës së Kampionëve, me skuadrën e Mikel Artetës që do të duhet të bëjë pa të në dy ndeshjet çerekfinale kundër Realit të Madridit.
