VIDEO/ Milan e nis vrullshëm pjesën e dytë, ndëshkon Interin, por gëzimi zgjat vetëm 20 minuta

Nga OraNews Përditësimi i fundit 2 Prill 2025, 22:41

Milan e ka nisur në mënyrën më të mirë të mundshme pjesën e dytë në derbin ndaj Interit, me kuqezinjtë që shënuan gol që në minutën e parë.

Një aksion i shpejtë i kuqezinjve, Hernandez pason për Fofana, ky i fundit jep një asist perfekt për Tammy Abraham dhe anglezi dërgon topin në rrjetë.

Në shtator 2004, në Serie A, në janar në Superkupën e Italisë dhe sot ndeshje e vlefshme për gjysmë finalen e Kupës së Italisë.

Gjithsesi gëzimi ka zgjatur për disa minuta, teksa zikaltrit kishin kohën e duhur për të ndryshuar shifrat, ku në minutën e 67-ë do të ishte Calhanoglu që do të vendoste barazpeshën. 

Në rast të një fitoreje sot, kjo do të ishte hera e parë për Milanin që do të mposhte Interin tre herë brenda një sezoni në 3 kompeticione të ndryshme.