Napoli ka një strategji të qartë për të siguruar shërbimet e Ismajlit
Nga OraNews Përditësimi i fundit 27 Dhjetor 2024, 17:52
Giovanni Manna, drejtor sportiv i Napolit, vazhdon kërkimin e kujdesshëm për mbrojtësin që do të zëvendësojë përkohësisht Alessandro Buongiorno-n, i cili do të jetë jashtë fushave përgjatë gjithë muajit janar.
Napoli, dy lojtarë shkëmbim për të siguruar Ismajlin
Merkatoja e janarit, që pritet të sjellë shumë lojtarë në Napoli, do të nisë më 2 shkurt.
Drejtuesit e klubit napolitan tashmë kanë filluar të punojnë për lëvizjet e para, sidomos duke marrë parasysh situatën problematike në mbrojtje, me Alessandro Buongiorno-n që do të mungojë në ndeshjet kundër Atalantës dhe Juventusit.
Ndër emrat e parë në listën e Manna-s dhe Antonio Conte-s është Ardian Ismajli, mbrojtës shqiptar i Empolit, i cili ishte në objektivat e Napolit edhe gjatë sezonit të kaluar.
Strategjia e Napolit për Ismajlin
Për të siguruar shërbimet e Ismajlit, Napoli mund të ofrojë dy lojtarë në shkëmbim, që duket se pëlqehen nga trajneri Roberto D’Aversa.
Alessio Zerbin: Ky është një nga emrat që tërheq vëmendjen e Empolit, por mbi të ka shfaqur interes edhe Venezia, e drejtuar nga Eusebio Di Francesco.
Cyril Ngonge: Një tjetër emër i dëshiruar nga trajneri i Empolit.
Në javët e fundit, Empoli kishte shfaqur interes për ish-sulmuesin e Veronës, por kërkesa financiare e Napolit kishte frikësuar presidentin e Empolit.
Përfshirja e Ismajlit në këtë tratativë mund të ndryshojë balancën e negociatave.
Gjithçka do të varet nga gatishmëria e klubit toskan për të shitur ose jo një nga mbrojtësit e tyre më të mirë.
