Rama “merr” vëmendjen dhe i bën karshillëk protestës së opozitës, shfaqet live me Presidentin Erdogan
Nga OraNews Përditësimi i fundit 20 Shkurt 2024, 18:25
Në një kohë që opozita ka nisur prej disa minutash protestën e thirrur prej, kryeministri Edi Rama ka gjetur një mënyrë origjinale për të tërhequr vëmendjen.
Ai ka dalë në një deklaratë të përbashkët me Presidentin turk, Recep Tayyip Erdoğan, ku është bërë dhe nënshkrimi i marrëveshjeve dypalëshe në këtë vizitë qqë ai po zhvillon sot në Turqi.
Marrëveshje dhe Memorandume të firmosura sot në kuadër të forcimit të mëtejshëm të bashkëpunimit mes Shqipërisë dhe Turqisë
1. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Mjedisit, Urbanizimit dhe Ndryshimeve -Klimatike të Republikës së Turqisë për bashkëpunim ne fushën e mjedisit.
2. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Bujqësisë dhe Pyjeve të Republikës së Turqisë për menaxhimin e qëndrueshëm të pyjeve dhe zonave të mbrojtura.
3. Marrëveshje ndërmjet KM të RSH dhe Qeverisë së Republikës së Turqisë mbi statusin e zyrës së koordinimit të programit TIKA Tirana.
4. Marrëveshje kuadër ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë.
5. Memorandum Mirëkuptimi ndërmjet Qeverisë së RSH dhe Qeverisë së Republikës së Turqisë në Fushat e Medias dhe Komunikimit për komunikimin dhe informimin publik.
6. Protokoll Bashkëpunimi midis Korporatës Turke të Radio Televizionit dhe Radio Televizionit Shqiptar.
