OSBE apel Kuvendit: Presim me padurim ta shohim parlamentin, si platformën për debat politik
Nga OraNews Përditësimi i fundit 15 Janar 2024, 18:29
Prezenca e OSBE në Shqipëri, i ka uruar suksese Kuvendit në nisjen e sesionit të ri parlamentar.
Me një shënim në platformën “X”, OSBE thotë se presin ta shohim parlamentin, si platformën për debat politik, plotësisht funksional dhe të fokusuar te reformat e nevojshme.
“I urojmë sukses Kuvendit në nisje të sesionit të ri parlamentar! Presim me padurim ta shohim parlamentin, si platformën për debat politik, plotësisht funksional dhe të fokusuar te reformat e nevojshme, duke filluar nga ajo zgjedhore, në interes të qytetarëve”, thuhet në reagim.
Pak më parë, dy bashkëkryetarët e Komisionit Parlamentar, Damian Gjiknuri dhe Enkelejd Alibeaj i janë drejtuar me një letër, prezencës së OSBE në Shqipëri, për Reformën Zgjedhore.
Ata kanë firmosur letrën ku i kërkojnë OSBE/ ODHIR për të dërguar ekspertët e saj.
