“Begaj të mos përdoret” Bardhi: Mos u bëj fasadë e PS-së, ji mbi palët, aksioni unë do të vazhdojë!
Nga OraNews Përditësimi i fundit 15 Janar 2024, 13:57
Presidenti Bajram Begaj pritet t’i drejtohet sot parlamenti në nisje të legjislaturës. Mësohet se ai do të jetë prezent në seancë, ku pas hapjes së punimeve nga kryetarja e Kuvendit do të mbajë edhe fjalën.
Lajmi për këtë zhvillim ka sjellë edhe reagimin e kryetarit të grupit parlamentar të PD gazmend Bardhi. Sipas tij ky veprim vjen në kohën kur opozita është në betejë me mazhorancën, për të drejtat e mohuara.
Por Bardhi shton se presidenti Begaj ka qenë gjithmonë i mirëpritur në Kuvend, por se grupi demokrat nuk ka marrë njoftim, pasi lajmin e ka mësuar në medie.
“Kjo betejë do të vijojë edhe në seancën e sotme e deri në plotësimin e kërkesave tona kushtetuese: thuhet në deklaratë ku Bardhi shton se Presidenti i Republikës duhet të kontribuojë në funksionimin normal të Parlamentit, duke ndërmarrë akte që nuk rrënojnë parlamentarizimin dhe lejojnë opozitën të përmbush rolin e saj kushtetues në një shoqëri demokratike, ku veçojmë të drejtën për kontroll parlamentar.”
Ndaj ai shton se Begaj ka të gjitha mundësitë kushtetuese për të garantuar respektimin e Kushtetutës dhe i bën thirrje që të mos keqpërdoret nga mazhoranca si fasadë për një normalitet të rremë në Kuvendin e Shqipërisë.
