FOTO + VIDEO/ Fitorja e kombëtares, nuk ka gjumë në Shqipëri, festë kudo
Nga OraNews Përditësimi i fundit 12 Tetor 2023, 23:37
Kreyqyteti i Shqipërisë është veshur kuqezi. Fitorja 3-0 e kombëtares shqiptare përballë Çekisë në “Air Albania” ka ndezur festën në kryeqytet.
Të veshur me fanellat të kombëtares, me flamujt kuqezi në duar, qindra qytetarë, të të gjitha moshave, kanë mbushur sheshet e Tiranës dhe rrugët kryesore, duke i rënë burisë dhe duke festuar fitoren përballë Çekisë që na afron edhe më shumë me pjesëmarrjet në “Euro 2024”.
Por festa e shqiptarëve po zhvillohet edhe në qytetet e tjera të vendit nga jugu në veri dhe kudo ku flitet shqip.
Në Kukës e djegin për fitoren e Kombëtares, xhirim gomash në mes të qytetit
Shkodër, qytetarët festojnë fitoren e Kombëtares ndaj Çekisë
Kombëtarja shqiptare e futbollit fitoi 3-0 ndaj Çekisë në ndeshjen e luajtur sonte në stadiumin “Air Albania” të vlefshme për kampionatin europian, Euro 2024, që do të zhvillohet në Gjermani.
Golat u shënuan nga Asani në pjesën e parë dhe Seferi dy gola në pjesën e dytë. Kuqezinjtë janë në krye të Grupit E me 13 pikë, Polonia renditet e dyta me 9 pikë, ndërsa çekët i ndjekin me 8 pikë.
Kuqezinjtë “shpartallojnë” Çekinë, shpërthen festa në Tiranë
Kuqezinjtë “shpartallojnë” Çekinë, shpërthen festa në Durrës
Më poshtë dhe një foto-album nga festa në kryeqytet i realizuar nga Agjencia Telegrafike Shqiptare
