Një mbret danez në Turin e Francës. Gara më spektakolare e çiklizmit mbyllet në Paris
Nga OraNews Përditësimi i fundit 23 Korrik 2023, 21:55
Tour de France ka një mbret të konfirmuar tashmë dhe ai është danezi Jonas Vingegaard i skuadrës Jumbo-Visma, i cili konfirmohet kampion i garës më prestigjioze të çiklizmit në planet.
26-vjeçari triumfoi të dielën nën hijen e Kullës Eiffel duke u konfirmuar si njeriu më i suksesshëm i garës sfilitëse të Francës që u mbyll pas 21 etapave si gjithmonë në Paris.
Kjo ishte një etapë 115.5 km, Saint Quentin En Yvelines-Champs Élysées dhe u fitua nga belgu Jordi Meeus i skuadrës Bora-Hangsrohe.
Në klasifikimin e përgjithshëm, distanca mes Vingegaard dhe ndjekësit Tadej Pogacar është plot 7 minuta e 29 sekonda. Në vendet 3 dhe 4 u renditën dy vëllezërit binjakë nga Britania e Madhe, Adam dhe Simon Yates.
