Rama: Enkileda Carja kampionia me 3 medalje ari në Kampionatin Europian për të rinj U15
Nga OraNews Përditësimi i fundit 4 Korrik 2023, 21:04
Shqipëria vijon të rrëmbejë medalje ari në Kampionatin Europian të Peshëngritjes për të rinj U15.
Kryeministri Edi Rama ndau në rrjete sociale foton e sportistes së talentuar, që përfaqësoi Shqipërinë në këtë kampionat, teksa shkroi se “Enkileda Carja është kampionia shqiptare e radhës me plot 3 medalje ari në Kampionatin Europian për të rinj U15”.
Enkileda Carja nga Elbasani arriti të ngrejë në total 184 kg. Në stilin e shkëputjes ajo ngriti 84 kg dhe 100 kg në stilin e shtytjes.
Fitoren e sportistes shqiptare, në Kampionatin Evropian për të rinj U15 e përshëndeti edhe ministrja e Arsimit dhe Sportit Evis Kushi.
Kushi ndau në rrjete sociale pamje nga momenti i dekorimit të peshëngritëses kampione, teksa shkroi: “Enkileda Carja, nxënësja e shkëlqyer nga Elbasani, shpallet kampione me 3 medalje ari në Kampionatin Evropian për të rinj U15”.
