Incidenti me Valverden, familja e mbrojtësit Baena kërcënohet me vdekje
Nga OraNews Përditësimi i fundit 11 Prill 2023, 10:35
Alex Baena bën një denoncim tjetër, këtë herë jo në adresë të Federico Valverdes por kundër mbështetësve të tij për kërcënimet me vdekje që pretendon se i kanë shkuar familjes. Mbrojtësi i Kombëtares U-21 të Spanjës, në një postim të gjatë, mohon ta ketë provokuar verbalisht uruguajanin në ndeshjen e janarit ku mendohet se i ka adresuar fjalë të rënda për fëmijëne lindur përpara kohe, ndërsa shton:
“Dëmi që po i bëhet familjes time është i pajustifikueshëm. Kërcënime dhe fyerje e madje edhe kërcënime me vdekje”, shkruan 21-vjeçari në një postim të gjatë ku vijon: “E kam referuar çdo gjë në polici dhe tani dua të fokusohem tërësisht te puna ime në fushën e lojës për të arritur objektivat”.
Valverde nuk do të ndëshkohet për incidentin në parkimin e stadiumit madrilen ku goditi me grusht Baena-n, duke i shpëtuar kështu edhe një pezullimi të mundshëm me 12 ndeshje pasi incidenti nuk është referuar në raportin e arbitrit të ndeshjes.
