Rrahja e vajzave, Tushi: Adoleshencë e dhunshme, pjesa më e madhe e krimit ndodh nga kjo grupmoshë
Nga OraNews Përditësimi i fundit 25 Shkurt 2023, 16:00
Video e dhunimin të një vajze 9-vjeçare nga një grup vajzash bëri xhiron në rrjet duke sjellë dhe një reagim të publikut, medias e autoriteteve shtetërore.
Ky ishte rasti i fundit por të tilla ngjarje janë jo pak të rralla në vend.
Sociologu Gëzim Tushi i ftuar në një intervistë për Ora News deklaroi se dhuna është një fenomen njaft i përhapur, sidomos tek adoleshentët.
Gëzim Tushi: Kjo grupmoshë ka filluar t'i ndërtojë marrëdhëniet mbi elemente të tilla të konfliktualitetit, rivalitetit dhe bullizmit që po shtojnë dhe rritjen e dhunës. Pjesa më e madhe e krimit në vendin tonë është e lidhur me këto grupmosha. Adoleshentët, të rinjtë, por dhe krimi minor ka filluar të përhapet shumë. Shfaqet në shkollë, në familje, shoqëri, jetën personale.
