Kapet në një banesë të braktisur, gjimnazisti që plagosi me armë zjarri në këmbë 15 vjeçarin në Kurbin
Nga OraNews Përditësimi i fundit 13 Shkurt 2023, 17:04
Është lokalizuar në një banesë të braktisur dhe është kapur e vënë në pranga 17-vjeçari që dyshohet se plagosi me armë zjarri, një 15-vjeçar në Kurbin.
"Rreth orës 12:20, në lagjen nr.4, Laç, jashtë rrethimit të gjimnazit, dyshohet se pas një konflikti të çastit për motive të dobëta, shtetasi A. Gj. 17 vjeç, ka plagosur me armë zjarri në këmbë shtetasin L. Rr. 15 vjeç, të dy nxënës në gjimnaz dhe banues në Kurbin. I plagosuri është transportuar në spital për ndihmën e nejvojshme mjekësore, ku ndodhet jashtë rrezikut për jetën, ndërsa autori është larguar menjëherë pas ngjarjes., njofton policia.
Falë veprimeve të shpejta hetimore dhe kontrolleve të pandërprera nga shërbimet policore, është bërë e mundur lokalizimi në një banesë të braktisur dhe kapja e autorit të dyshuar të plagosjes, shtetasit A. Gj.
Grupi hetimor nën drejtimin e Prokurorisë së Rrethit Gjyqësor Kurbin, vijon hetimet për zbardhjen e plotë të rrethanave të ngjarjes.
