Gjendet një kufomë në Bërxullë, në xhep dokumenti me emrin Elton Tahiri, 48 vjeç
Nga OraNews Përditësimi i fundit 13 Shkurt 2023, 11:39
Një trup i pa jetë është gjetur ditën e sotme në afërsi të përroit të Limuthit, në Bërxullë.
Policia tha se bëhet fjalë për një kufomë të seksit mashkull.
Nga veprimet e para hetimore të kryera, në xhepin e rrobave të viktimës, është gjetur një dokument identifikimi me emrin Elton Tahiri, 48 vjeç.
Grupi hetimor ka nisur mbledhjen e provave dhe po punon për zbardhjen e rrethanave të ngjarjes.
Specialistët pritet të përcaktojnë edhe shkakun e vdekjes së viktimës.
