17 miliardë për të blerë të drejtat e Formula 1, oferta mostruoze refuzohet
Nga OraNews Përditësimi i fundit 20 Janar 2023, 20:39
Pronarët aktualë të Formula 1 refuzojnë një ofertë prej 17 miliardë eurosh për të shiur të drejtat e sportit më të ndjekur të garave të shpejtësisë. Oferta është bërë nga “Public Investment Fund” që është fondi publik i Arabisë Saudite.
Pronare aktuale e F1 është kompania “Liberty Media” që i bleu të drejtat në vitin 2017 nga Bernie Ecclestone për rreth 4 miliardë. Lajmin e refuzimit të ofertës së çmendur e bën të ditur “Bloomberg” që thekson se bisedimet u bllokuan që në fillim dhe palët nuk pranuan të vazhdonin të flisnin për të gjetur gjuhën e përbashkët.
Gjithsesi, nuk përjashtohet mudnësia që arabët të rikthehen me një tjetër ofertë pasi Formula 1 është një sport tek i cili dëshirojnë të investojnë shumë.
