Gomari 'kërkon të futet live' i ndërpret biseden të zotit, plasin të qeshurat në emisionin "Ora Juaj". Video për të mos u humbur
Nga OraNews Përditësimi i fundit 11 Janar 2023, 10:06
Kur emisionet janë live ka shumë të papritura të cilat sjellin mjaft të qeshura.
Një nga këto është dhe ajo që i ndodhi sot në mëngjes gazetarit Klodi Karaj në emisionin “Ora Juaj” që transmetohet nga e hëna në të shtunë në orën 07:00- 09:00 në Ora Neësë.
Një pensionist nga Patosi mori në telefon për të shprehur problemin e tij.
Për tu dëgjuar më mirë nga Klodi, pensionisti del jashtë banesës. Këtu ndodh e papritura. Gomari nis të pëllasë dhe gjithçka dëgjohet në studio.
Në këtë moment plas gallata.
E ndërsa Klodi qeshte, pensionisti i vendosur dhe pak në siklet për të papriturën por dhe duke qeshur i thotë: O po ç’vete kjo punë kështu! Më dëgjo mua, çfarë pune ke me këta ti! Hajde! Hajde çfarë nuk po dëgjojmë?
“Ora Juaj” është një emision tepër i dashur për shqiptarët të cilët tek ai telefonojnë për të zgjidhur halle të cilat për familjen e tyre janë peshë e rëndë.
Shpesh ato marrin zgjidhje nga gazetari Klodi Karaj por dhe nga stafi i televizionit Ora News që u vjen në ndihmë.
SHIKONI VIDEON
