PD: “Taksa të jashtëzakonshme” për të mbuluar vjedhjet e jashtëzakonshme! Rama si Enveri në ’45-ën
Nga OraNews Përditësimi i fundit 5 Janar 2023, 15:05
Anëtari i Kryesisë së Partisë Demokratike, Gent Strazimiri ka reaguar li8dhur me vendimin e qeverisë të njoftuar nga kryeministri Edi Rama për vendosjen e një takse të jashtëzakonshme për prodhuesit e energjisë që do të shkojë në ndihmë të pensionistëve dhe shtresave në nevojë.
Në reagimin e tij, Strazimiri se po vendosen “taksa të jashtëzakonshme” për të mbuluar vjedhjet e jashtëzakonshme të qeverisë.
““Taksa të jashtëzakonshme” për të mbuluar vjedhjet e jashtëzakonshme!
Pensionistët (dhe jo vetëm) i ke ngarkuar ti vetë, me "taksën e jashtëzakonshme" që i paguajnë muaj për muaj:
“incineratorëve” që s’ekzistojnë;
“sterilizimit spitalor” që nuk ekziston;
“rrugëve të pa kërkuara” në të cilat nuk ecet;
“trarët e pagesës” nëpër autostrada që i kanë paguar njëherë;
“bordet e çmimeve” që kanë çatrafiluar tregun...
Pensionistët (dhe jo vetëm), nuk ndihmohen me “taksë të jashtëzakonshme” ndaj prodhuesve të energjisë (dhe jo vetëm), por duke ndalur grabitjen e tyre përmes PPP-ve...
Si njëra, si tjetra janë të paligjshme, anti-kushtetuese, anti-treg, anti-ekonomi, përbëjnë vepër penale dhe dënohen ME BURG!
“Tatimi i jashtëzakonshëm i luftës” që bëri “Partia” në 1945, solli dëm ekonomik që ende sot nuk po e paguajmë dot...
Mos prisni më “të zbarkojnë aleatët” se do ju zgjasë edhe 46 vjet të tjera dhe s'keni kohë...
Ngrehuni dhe bjeruni! Sot!”, thekson në reagimin e tij ish-deputeti i PD-së, Gent Strazimiri.
