Argjentina kampione bote, Rama dhe Meta: Finale e paharrueshme dhe kupë e çmendur
Nga OraNews Përditësimi i fundit 18 Dhjetor 2022, 19:43
Pas fitores së kupës së botës në futboll nga Argjentina ka reaguar edhe politika shqiptare duke uruar fituesit.
Kryeministri Rama shkruan në Facebook se këtë kupë të “çmendur” bote mbreti i futbollit në tokë mundi ta fitonte vetëm me ndihmën e mbretit lart në qiell
“Këtë kupë të “çmendur” bote mbreti i futbollit në tokë mundi ta fitonte vetëm me ndihmën e mbretit lart në qiell” - shkroi Rama.
Ndërkohë, edhe kreu i Partisë së Lirisë, Ilir Meta ka uruar Argjentinën për fitoren ndaj Francës duke thënë se kjo ishte e merituar prej 2 dekadash.
“Një Finale e paharrueshme, që na dhuroi gjithçka të bukur dhe magjike që ka futbolli! Urime Leo Messit dhe Kampionëve të Botës për kurorëzimin e merituar pas dy dekadash plot dedikim, sakrifica dhe spektakli emocionues të jashtëzakonshëm.” - shkroi Meta.
