VIDEO/ Blogeri vritet me thikë nga kundërshtari në Nepal gjatë një videolive në YouTube
Nga OraNews Përditësimi i fundit 16 Dhjetor 2022, 07:56
Një bloger i ushqimit në rrugë i njohur si 'Fatty Goes To Africa' u godit me thikë për vdekje ndërsa po transmetonte drejtpërdrejt nga një treg në kryeqytetin e Nepalit, Katmandu.
Viktima, 20-vjeçari kinez, i quajtur Gan në mediat lokale, thuhet se u sulmua nga një bloger rival në qytet më 4 dhjetor.
Gan po transmetonte drejtpërdrejt nga tregu i ushqimeve dhe po fliste me miqtë e tij kur u godit me thikë në mes të ditës.
I dyshuari, Feng Zhengyung në mediat lokale, një 37-vjeçar kinez, është gjithashtu një personazh i famshëm në internet i quajtur 'Ayun' i cili jeton në Nepal dhe besohet se ka pasur inat kundër blogerit të tij rival të ushqimit.
Një video shokuese tregon Ganin duke folur me kamerën teksa ecte përgjatë një rruge kur u sulmua nga pas.
Gan duket se e lëshon telefonin e tij gjatë sulmit ndërsa ekrani bëhet i zi, por britmat e tij ende dëgjohen.
Gan përdori platformën e tij të mediave sociale për të prezantuar ushqimin dhe kulturën e vendeve të huaja te ndjekësit dhe ka gati pesë milionë fansa në Kinë.
Ai kishte tërhequr shumë njerëz për të parë duke treguar jetën e tij të përditshme në Afrikë.
Por blogeri i njohur me shumë gjasa do të mbahet mend për transmetimin e drejtpërdrejtë të sulmit që çoi në vdekjen e tij tragjike.
Gan u godit me thikë në gjoks dhe bark në mes të rrugës dhe vdiq më vonë atë natë pasi përpjekjet e shpëtimit dështuan.
