Pushime me pak lekë, për festat e fundvitit shqiptarët zgjedhin të pushojnë në rajon
Nga Nertila Dosti Përditësimi i fundit 15 Dhjetor 2022, 17:18
Për pushimet e fundvitit shqiptarët zgjedhin të mos shpenzojnë shumë.
Me paketa që nisin nga 150 euro kanë preferuar që Krishtlindjen dhe natën e ndërrimit të viteve ta kalojnë në rajon.
Fjorida Zani tregon destinacionet e preferuara të festave.
"Kolashini, Mavrova, Brezovica që janë vende me borë dhe janë afër. Njerëzit duan të rrinë jo shumë larg shtetit të vet por edhe për të kursyer."
Të shumta janë prenotimet edhe për Italinë apo Francën.
"Kryeqytetet europiane janë shumë të kërkuara si Roma, Parisi, Amsterdami etj."
Krahasuar me vitin e shkuar, interesi për pushime jashtë vendit është më i lartë por pritshmëritë e operatorëve turistikë janë më të mëdha.
"Interesi është më i lartë pro ka edhe një frenim ndoshta për shkak të situatës. Kriza, lufta, të gjitha këto ndikojnë."
Teksa shqiptarët ikin jashtë, vendi ynë në dimër mbetet shumë pak i preferuar për të huajt, pavarësisht përpjekjeve për turizëm në të 12 muajt e vitit.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
