Në 2018 i postonte me krenari Xhakën e Shaqirin, sot flet për nacionalizma, kë Ramë duhet të besojmë?
Nga OraNews Përditësimi i fundit 4 Dhjetor 2022, 16:14
Kryeministri Rama sot në një dalje për mediet, kryeministri Rama u shpreh se Xherdan Shaqiri e Granit Xhaka po përdoren si mish për top për lojë luftërash ballkanike.
Sipas tij, nuk ka reaguar sepse nuk donte t’i frynte zjarrit të nacionalizimit, të cilin e cilëson si qesharak dhe të rrezikshme.
Edi Rama: Pse të flisja? Nuk jam kryeministri i Zvicrës. Do i fryja zjarrit të një nacionalizmi, më falni për shprehjen qesharak që është dhe sa i rrezikshëm. Nuk është e nevojshme.
Ndërkohë, Rama lëshon deklarata të tilla sot, por duket se harron se çfarë ka postuar në vitin 2018 për këta futbollistë shqiptarë që luajnë me Zvicrën.
Kur fitoi Zvicra aso kohe, kryeministri Rama pati dy postime në FB e tij: një me këtë në foto majtas, "Photo of the day".
Një gjë e tillë është vënë re edhe nga politologu Afrim Krasniqi i cili shkuran se cilit kryemisnitër duhet t’i besojmë, atij në 2018 apo këtij në 2022.
Krasniqi: Për kujtesë të medias pa kujtesë: më 2018 kur Zvicra fitoi, kryeministri Rama pati dy postime në FB e tij: një me këtë në foto majtas, "Photo of the day" dhe një tjetër ditën pasuese ku me krenari kërkonte mbledhje fondesh për gjobën e marrë nga UEFA për dyshen shqiptare të Zvicrës! Pas 4 vitesh....të njëjtit sportistë, e njëjta ndeshje, i njëjti kryeminister, i njëjti debat dhe KM thotë: "Nuk e kuptoj pse duhet të flisja, nuk jam kryeministër i Zvicrës, jam kryeministër i Shqipërisë. Nëse do të ndaja dy futbollistë me origjinë shqiptare që ne i shohim me admirim, çfarë do të bëja? Do t’i përdorja ata futbollistë për politikë. Dhe do t’i fryja zjarrit të një nacionalizmi qesharak, por edhe të rrezikshëm...Si mund të shkëputen nga skuadra e tyre dy qytetarë të atij shteti, dhe të përdoren si mish për top për lloj luftash ballkanike".
Pyetja që mbetet pa përgjigje: cilit KM t'i besojmë? Atij që më 2018 feston me krenari apo atij që më 2022 e quan aktin (+ e tij) "nacionalizmi qesharak dhe të rrezikshëm", "përdorim politik" etj, apo as KM të vitit 2018 dhe as të njëjtit më 2022?
