Scholz: Gjermania duhet të jetë gati për një përshkallëzim në Ukrainë
Nga OraNews Përditësimi i fundit 22 Nëntor 2022, 16:04
Kancelari gjerman, Olaf Scholz, ka paralajmëruar se vendi i tij duhet të jetë i përgatitur që situata në Ukrainë mund të përshkallëzohet.
Duke folur në një konferencë në Berlin të organizuar nga gazeta Süddeutsche Zeitung, Scholz tha: Në funksion të zhvillimit të luftës dhe dështimeve të dukshme dhe në rritje të Rusisë, ne duhet të jemi gati për një përshkallëzim.
"Kjo mund të përfshijë shkatërrimin e infrastrukturës", shtoi ai.
Scholz vizitoi Kinën në fillim të këtij muaji për t'u takuar me presidentin e saj, Xi Jinping, një udhëtim që ai tha se ia vlente vetëm për të shprehur qëndrimin e përbashkët të të dy vendeve kundër përdorimit të armëve bërthamore.
Në vizitën e parë të një udhëheqësi të G7 në Kinë që nga pandemia Covid, Scholz i bëri presion Xi-t që të mbizotërojë mbi Rusinë për t'i dhënë fund pushtimit të saj në Ukrainë.
Në një lexim të takimit nga media shtetërore kineze, Xi ra dakord që të dy liderët "bashkë kundërshtojnë përdorimin ose kërcënimin e përdorimit të armëve bërthamore" mbi Ukrainën, megjithëse ai u përmbajt nga kritikimi i Rusisë apo thirrjes së Moskës për të tërhequr trupat e saj.
