Kolumbi, rrëzohet avioni i vogël në një lagje të Medellin: Shënohen 8 viktima
Nga OraNews Përditësimi i fundit 21 Nëntor 2022, 22:44
Në Kolumbi, një aeroplan i vogël u rrëzua në një zonë banimi në Medellin. Kështu ka bërë të ditur kryebashkiaku i qytetit.
Sipas radios Rcn, e cila publikon videon e aksidentit, bëhet fjalë për një aeroplan të vogël, i cili mbante gjashtë pasagjerë dhe dy anëtarë të ekuipazhit dhe i cili u përplas me një shtëpi në lagjen Belen Rosales të Medellinit, jo shumë larg aeroportit Olaya Herrera.
Avioni, shkruan gazeta El Columbiano, menjëherë pas ngritjes nga aeroporti lokal Olaya Herrera në drejtim të Pizarro (reparti Choco), sinjalizoi një emergjencë në kullën e kontrollit për shkak të një dështimi të motorit.
Përpjekja e pilotit për t'u kthyer në aeroport dështoi dhe avioni u përplas në një ndërtesë, duke dëmtuar të paktën shtatë apartamente, duke marrë zjarr dhe duke shkaktuar vdekjen e të gjithë njerëzve.
