Bëri seks me studentin dy javë pasi u punësua, mësuesja 22 vjeçare rrezikon 15 vjet burg
Nga Ora News Përditësimi i fundit 22 Nëntor 2022, 13:01
Një mësuese ndihmëse 22-vjeçare nga Oklahoma është arrestuar me akuzën se kishte kryer marrëdhënie seksuale me një student vetëm dy javë pasi kishte filluar punën e saj.
Ashley Waffle, një asistente e përkohshme mësimore në Shkollat Publike Granite, filloi punën e saj më 10 tetor dhe filloi të shkëmbejë mesazhe romantike me 16-vjeçarin më 25 tetor në Snapchat.
Sipas raportimeve, zyrtarët e shkollës kanë njoftuar policinë për një lidhje të përfolur mes nxënësit dhe mësuesit.
Dokumentet e gjykatës zbuluan se Waffle u takua me studentin dy herë në apartamentin e saj përpara 9 nëntorit.
Waffle u pushua nga puna më 10 nëntor dhe tani përballet me dy akuza për përdhunim të shkallës së dytë që mund ta çojë atë në burg deri në 15 vjet.
Ajo aktualisht po mbahet në burgun e qarkut Greer. Shkolla ka njoftuar prindërit me letër ndërsa hetimet e autoriteteve vazhdojnë, shkruan Protothema.
