"Doja strehim dhe ushqim", 25-vjeçari shqiptar me 75 mijë £ kanabis, dënohet me 34 muaj burg

Nga OraNews Përditësimi i fundit 18 Nëntor 2022, 10:38

Një 25-vjeçar shqiptar në Colchester, britani i cili ishte i përfshirë në një fermë kanabisi në Ipswich, ku rriteshin bimë me një rendiment maksimal të mundshëm deri në 75,000 £, është dënuar me 34 muaj burg.

Klizman Marku u ndalua nga policia teksa po ngiste një makinë të pasiguruar në A12 në Capel St Mary në qershor të këtij viti dhe u shfaq nervoz, dëgjoi Gjykata e Ipsëich Croën.

Ai ishte duke folur në telefon kur u ndalua nga policia ndërsa kishte bërtitur diçka në shqip.

Ai u ndalua dhe kur oficerët panë në telefonin e tij një video të dikujt që mbante një sasi të madhe kanabisi.

Vendodhja në video e çoi policinë në një pronë në Norwich Road, Ipsëich, dhe kur policia hyri në shtëpi, ata gjetën 52 bimë kanabisi në bodrum.

Dhoma ishte pajisur me 50 llampa ndriçimi, katër njësi ventilatore dhe një njësi filtrimi dhe në një dhomë tjetër policia gjeti 97 vazo me bimë të korrura së fundmi.

Gjykata tha se 52 bimët kishin një vlerë potenciale të vlerësuar deri në 27,000 £ dhe 97 bimët e korrura kishin një vlerë potenciale të vlerësuar deri në 48,000 £.

Kur oficerët shkuan në adresën e shtëpisë së Markut në Colchester, gjetën një sasi të vogël kanabisi dhe dy njësi të mëdha filtrimi ajri të ngjashëm me atë të gjetur në shtëpinë në Norwich Road.

Marku u deklarua fajtor për prodhimin e kanabisit më 5 qershor të këtij viti dhe posedim kanabisi.

Ai gjithashtu pranoi drejtimin e mjetit pa siguracione dhe pa leje drejtimi dhe iu ndalua drejtimi i mjetit për 23 muaj.

Duke dënuar Markun, gjykatësi David Pugh tha: “Pasi erdhe në këtë vend, më kanë thënë se e gjete veten në duart e një bande kriminale, por është e qartë që pranon që ke marrë pjesë aktive në aktivitetet e kësaj bande në prodhimi i kanabisit.”

Gjykata dëgjoi se Marku, i cili përshkruhej si "naiv", kishte kërkuar strehim në Britaninë e Madhe dhe kishte hasur në një bandë që i ofronte strehim dhe ushqim në një kohë kur ai ishte i ftohtë, i uritur dhe në gjendje të rëndë.