62 vjeçari i dënuar në Itali me 17 vjet burg për drogë kapet në Durrës
Nga OraNews Përditësimi i fundit 18 Nëntor 2022, 10:04
Një 62 vjeçar i shpallur në kërkim në It5ali është arrestuar sot nga policia në Durrës.
62 vjeçari mësohet se ka qenë i dënuar më 17 vjet burg në Itali.
Me finalizimin e operacionit policor të koduar “Koordinatat”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:
- Mustafa Shullani (me identitete të tjera: Hasan Shullani, Ferdinand Behari dhe Faje Shullani), 62 vjeç, banues në lagjen Nr. 7, Durrës.
"Gjykata e Apelit e Bolonjas, Itali, e ka dënuar 62-vjeçarin, me 17 vjet e 1 muaj burgim, për veprat penale “Trafikimi i lëndëve narkotike" dhe "Prodhimi dhe shitja e narkotikëve", të parashikuara nga ligji penal italian. Me qëllim vuajtjen e periudhës prej 11 vjet e 4 muaj burgim, të mbetur nga dënimi total, kjo gjykatë apeli ka lëshuar për këtë shtetas, një urdhër-arrest ndërkombëtar," njoftoi policia.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme. Në bashkëpunim me ZQK Interpol Tirana, vijon puna për ekstradimin e këtij shtetasi, drejt Italisë.
