Manastiri 160-vjeçar në Ukrainë është dëmtuar rëndë nga sulmet
Nga OraNews Përditësimi i fundit 7 Nëntor 2022, 11:03
Manastiri “Sviatohirska Dormition Lavra”, i ndërtuar në vitin 1862 në rajonin Donetsk të Ukrainës, u dëmtua rëndë si rezultat i sulmeve. Ministria e Mbrojtjes e Ukrainës ka publikuar foto të manastirit para dhe pas sulmit.
Ministria e Mbrojtjes e Ukrainës publikoi foto të manastirit të dëmtuar, duke shkruar, “Sviatohirska Dormition Lavra” në fshatin Dolyna para dhe pas bombardimeve pesë mujore nga rusët. Ata që, (sipas drejtuesve të tyre), luftojnë 'djallin' në Ukrainë, kanë vrarë tashmë mijëra të krishterë dhe kanë shkatërruar dhjetëra kisha.
Organizata e Kombeve të Bashkuara për Arsim, Shkencë dhe Kulturë (UNESCO), në raportin e saj të publikuar më 27 tetor, njoftoi se 207 objekte kulturore në të gjithë Ukrainën u dëmtuan për shkak të luftës.
U tha se këto zona përfshijnë 88 objekte fetare, 15 muze, 76 ndërtesa historike, 18 monumente dhe 10 biblioteka.
Nga ana tjetër, vetëm 4 ditë pas fillimit të luftës, 25 vepra të piktores së njohur ukrainase Maria Pryimachenko u dogjën si pasojë e sulmit në muzeun lokal Ivankiv në Kiev, kryeqytetin e Ukrainës, më 28 shkurt, raportoi CNNTurk.
