Rusia informon banorët e Khersonit që të ikin për të shpëtuar jetën
Nga OraNews Përditësimi i fundit 23 Tetor 2022, 21:43
Rusia u tha njerëzve në qytetin e pushtuar ukrainas të Khersonit që të ikin për të shpëtuar jetën e tyre të dielën, pasi më shumë banorë iu bashkuan një eksodi për t'i shpëtuar një kundërofensive të parashikuar ukrainase.
Në një video-mesazh, ministri rus i arsimit Sergei Kravtsov tha:
“Situata sot është e vështirë. Është jetike për të shpëtuar jetën tuaj… Nuk do të jetë për shumë kohë. Do të ktheheni patjetër.”
Përfaqësuesit e Rusisë në rajonin jugor po përpiqen të evakuojnë deri në 60,000 njerëz që jetojnë në bregun perëndimor të lumit Dnipro.
Autoritetet e mbështetura nga Moska raportuan një mungesë të anijeve për të transportuar njerëzit përtej lumit në një moment të dielën, për shkak të një "rritjeje të mprehtë të numrit të njerëzve që dëshirojnë të largohen nga qyteti".
Rajoni Kherson ndodhet në veri të gadishullit të Krimesë, të cilin Rusia e aneksoi në vitin 2014. Është një portë kyçe për furnizimet ushtarake ruse.
Rreth 25,000 njerëz janë evakuuar që nga e marta, tha agjencia e lajmeve Interfax, nënkryetari i rajonit i instaluar nga Rusia, Kirill Stremousov .
Pavarësisht paralajmërimeve, zyrtarët këmbëngulën se çdo zhvendosje do të ishte e përkohshme nga territori që Rusia ka shpallur zyrtarisht të sajën pas atyre që ajo i quajti referendume dhe që u cilësuan si vota të rreme dhe shtrënguese nga Kievi dhe perëndimi.
"Ne nuk do të heqim dorë nga Kherson," tha Stremousov.
