Tërmeti i la pa banesë, katër anëtarët e familjes Zana në kushte të vështira: Paga s'del as për ushqim
Nga Sonila Musai Përditësimi i fundit 22 Tetor 2022, 16:10
Familja e Fatmir Zana në kryeqytet apelon për ndihmë pasi shtëpia ku jetojnë është e dëmtuar nga tërmeti. Shkatërrimi i shtëpisë i banesës ka shtuar një tjetër problem për anëtarët e familjes që jeton në kushte të vështira ekonomike.
Në këtë dhomë në zonën e "Don Boskos", jetojnë katër anëtarë të familjes Zana.
Fatmiri tregon se fëmijët e tij tashmë janë të rritur, por ai i vetëm nuk ka mundësi t'ua plotësojë nevojat bazë.
47-vjeçari tregon se shtëpia ku jetojnë 4 anëtarët e familjes është e rrezikshme.
"Bëmë njëherë aplikimet, nuk kanë ardhur më, nuk na kanë thënë gjë. Ja si është."
Ai thotë se shtëpia u dëmtua nga tërmeti.
"Me rrezik po rrimë këtu sepse është i çarë komplet muri, dërrasat pothuajse janë kalbur. Nuk kemui lekë me ë ndërtu por as nuk të lënë se të fuyqin në burg për ndërtim pa leje. E kemi lënë kështu, kur të bjerë të bjerë."
Thotë se me 257 mijë lekë të vjetra që merr nuk i mjaftojnë as për tu ushqyer.
"Vetëm rroga ime, nuk dalin se çmimet shumë të larta. Merr borxh andej dhe këtej dhe i paguajmë me rrogën kur e marrim e nuk na mbetet gjë për muajin tjetër.Po i njëjti avaz me borxhe. Situatë shumë e vështirë. Marr borxh që mos të lë fëmijët pa ngrënë."
Ai apelon për ndihmë që ta kapërcejë këtë vështirësi që e ka kapluar prej vitesh.
"Të na ndihmojnë se jemi në një moment tepër të vështirë."
Kjo familje jeton në rrugën "Egnatia", në kryeqytet dhe shpreson që në mos shteti që e ka harruar, dikush tjetër ta ndihmojë.
