Plagosja në Vlorë, policia në kërkim të autorit, ngjarja pas një konflikti të çastit
Nga OraNews Përditësimi i fundit 12 Tetor 2022, 21:11
Një konflikt i çastit përfundoi me përdorimin e armëve të zjarrit. Sebastian Jallaj 19 vjeç u qëllua në këmbë me pistoletë.
Ngjarja u regjistrua mbrëmjen e sotme në fshatin Llakatund të Vlorës.
I plagosuri mësohet se është nga qyteti i Fierit, por nip në Llakatund.
Autori i dyshuar i ngjarjes, banor i fshatit, ka pasur një përplasje përplasje fizike me të riun pranë lokalit ku ndodhet makina e llojit "Benz".
Autori më pas ka shkuar më banesë që e ka pranë vendit të ngjarjes.
Ka marrë një armë të llojit pistoletë dhe e ka goditur në këmbë në afërsi të makinës dhe është larguar.
I plagosuri është dërguar në spital për ndihmën mjekësore, ndërsa policia vijon krehjen e zonës për kapjen e autorit të plagosjes.
I pranishëm në vendin e ngjarjes është edhe drejtuesi i policisë së qarkut Gentian Berberi.
