Zelanda e Re propozon taksimin e emetimeve të kafshëve për të reduktuar gazrat serë
Nga OraNews Përditësimi i fundit 11 Tetor 2022, 19:27
Si një mënyrë për të trajtuar ndryshimet klimatike, Zelanda e Re ka propozuar kohët e fundit një skemë që do të taksonte gazrat serrë që kafshët e fermës prodhojnë nga gromësirat dhe jashtëqitja.
Nëpërmjet skemës 'He Waka Eke Noa', fermerët do t'i nënshtrohen pagesës për emetimet bujqësore deri në vitin 2025.
Fermerët e kritikuan shpejt planin. Andrew Hoggard, president i Federated Fermers, grupi kryesor i lobit në industri tha:
“Federated Fermers nuk është i impresionuar me qëndrimin e qeverisë për propozimin e He waka Eke Noa dhe është i shqetësuar për të ardhmen e anëtarëve tanë. Ne nuk u regjistruam për këtë. Është e dhimbshme të mendosh se tani e kemi këtë propozim nga qeveria.”
Ai gjithashtu shtoi se fermerët ishin përpjekur të punonin me qeverinë për më shumë se dy vjet në një plan për reduktimin e emetimeve që nuk do të zvogëlonte prodhimin e ushqimit.
Megjithatë, kryeministrja Jacinda Ardern tha se paratë e mbledhura nga skema e propozuar do t'i kthehen industrisë për të financuar teknologji të reja, kërkime dhe pagesa nxitëse për fermerët.
“Propozimi do të shohë fermerët e Zelandës së Re të udhëheqë botën në reduktimin e emetimeve, duke ofruar një avantazh konkurrues dhe duke rritur markën tonë të eksportit. Asnjë vend tjetër në botë nuk ka zhvilluar ende një sistem për çmimet dhe reduktimin e emetimeve bujqësore, kështu që fermerët tanë do të përfitojnë nga të qenit lëvizësit e parë.”
“Ulja e emetimeve do të ndihmojë fermerët e Zelandës së Re që jo vetëm të jenë më të mirët në botë, por edhe më të mirët për botën; fitimi i një çmimi premium për produktet bujqësore miqësore me klimën, duke ndihmuar gjithashtu në rritjen e fitimeve nga eksporti.” – shtoi ajo.
Rreth gjysma e emetimeve të gazrave serrë të Zelandës së Re vijnë nga fermat. Qeveria është zotuar të reduktojë emetimet e gazrave serrë dhe ta bëjë vendin neutral ndaj karbonit deri në vitin 2050.
