G7 akuzon Putin për krime lufte, Ukraina merr sistemin më të avancuar të mbrojtjes ajrore nga Gjermania
Nga OraNews Përditësimi i fundit 11 Tetor 2022, 18:56
Shtatë fuqitë kryesore ekonomike demokratike kanë dënuar me forcë sulmet e fundit me raketa ruse në Ukrainë dhe kanë premtuar mbështetje të mëtejshme ushtarake për forcat e armatosura të Ukrainës.
Pas një video-konference me presidentin ukrainas Volodymyr Zelensky, udhëheqësit e G7 lëshuan një deklaratë të përbashkët të martën se "sulmet pa dallim ndaj civilëve të pafajshëm përbënin një krim lufte".
“Ne do të kërkojmë llogari nga presidenti Putin dhe ata që janë përgjegjës”, thuhet në deklaratë, duke iu referuar kreut të Kremlinit.
G7 gjithashtu dënoi "aneksimin e paligjshëm" të Rusisë të katër rajoneve të Ukrainës. Krerët e shteteve dhe qeverive përsëritën se nuk do ta njihnin kurrë këtë aneksim.
Ata kërcënuan Rusinë me sanksione të mëtejshme kundër individëve dhe institucioneve brenda dhe jashtë vendit që mbështesin luftën e agresionit politikisht ose ekonomikisht.
Ndërkohë Ukraina ka marrë sistemin e parë të mbrojtjes ajrore IRIS-T SLM. Një total prej katër prej sistemeve të zhvilluara dhe të ndërtuara në Gjermani do t'i shkojnë forcave të armatosura të Ukrainës.
IRIS-T SLM mund të përgjojë raketa në një lartësi deri në 20 kilometra dhe një distancë deri në 40 kilometra.
Sipas kancelarit Scholz, sistemi bën të mundur mbrojtjen e "një qyteti të tërë nga sulmet ajrore ruse".
Sistemi kundërajror është zhvilluar nga kompania gjermane Diehl, por nuk përdoret nga Bundeswehr.
