Kampioni i botës në shah tërhiqet në mënyrë misterioze nga përballja me mjeshtrin e madh

Nga OraNews Përditësimi i fundit 21 Shtator 2022, 09:36

Kampioni i botës në shah, Magnus Carlsen i shtoi librit të sjelljeve të tij të çuditshme një tjetër episod interesant që u regjistrua në një përballje online mes tij dhe mjeshtrit të madh Hans Niemann.

Të hënën, ndërsa përballja për turneun “Julius Baer Generation Cup” nisi normalisht, Carlsen fiku kompjuterin dhe u largua në mënyrë të çuditshme duke lënë në mes duelin. Komentatorja e përballjes, Tania Sachdev me jo pak siklet deklaroi:

“Do të përpiqemi të marrim informacion në lidhje me këtë gjë. Magnus Carlsen sapo dha dorëheqjen, u ngrit dhe u largua, fiku kamerën dhe kjo është gjithçka dimë deri tani”.

CNN kontaktoi anëtarë të stafit të shahistit por nuk mori një përgjigje. Kjo nuk është hera e parë që norvegjezi sillet çuditshëm, duke na kujtuar kampionin amerikan Bobby Fisher.

“Nëse flas jam në telashe”, shkruajti pak orë më vonë në Twitter kampioni i botës, duke cituar Jose Mourinhon. Në fillim të shtatorit ai u tërhoq edhe nga “Sinquefield Cup” në Saint Louis pasi humbi një lojë.