“Këtu është tifozeri e nxehtë”, Behiratçe rrëfen jetën në Tiranë: Shqiptarët bëjnë çdo gjë me zemër

Nga OraNews Përditësimi i fundit 18 Shtator 2022, 22:51

Behiratçe ishte një pikë kyçe e Tiranës sezonin që shkoi, kohë kur bardheblutë u shpallën kampionë të “Abissnet Superiores”.

Mbrojtësi nga Bregu i Fildishtë ka dhënë një intervistë  për emisioni “Ora Sport” në “RTV ORA”, ku tregoi se si ndihet në kryeqytetin shqiptar.

Behiratçes i ka lënë mbresa tifozeria bardheblu, ndërsa ajo çfarë i pëlqn më tepër në Shqipëri është fakti se sipas tij shqiptar bëjnë gjithçka me zemër.

Behiratçe: Ndihem mirë, pasi ishte një fitore e rëndësishme. Jemi gati për ndeshjen tjetër me Partizanin. A do e fitojmë sërish titullin kampion? Për momentin nuk e di. Për momentin thjesht po luamë për të fituar, por do të shikojmë më pas. 

“Ndihem mirë në Shqipëri. Më pëlqejnë gjithashtu edhe tifozët. Është tifozëri e nxehtë, më pëlqen shumë. Në këtë qytet më pëlqen zemra e njerëzve, sepse çdo gjë që bëjnë e bëjnë me zemër. Nuk kam luajtur ndonjëherë për Kombëtaren, por do të më pëlqente të luaja një ditë. Lojtari im i preferuar është Tiago Silva”