Në përpjekje për tu bërë ‘demon’, burri shpenzon 400 paund duke mbjellë brirë në kafkë
Nga OraNews Përditësimi i fundit 16 Shtator 2022, 22:17
Një burrë ka shpenzuar 400 paund duke mbjellë brirë në kafkë në përpjekje për t'u bërë 'demon'.
Victor Hugo Peralta, një showman nga Uruguai, më parë bëri bujë pasi zbuloi obsesionin e tij të modifikimit të trupit.
52-vjeçari kujton se ka rënë në dashuri me tatuazhet që në moshë shumë të re dhe e bëri ngjyrosjen e tij të parë vetëm në moshën 13-vjeçare, me fjalën "f**k" nëpër gishta në dorën e majtë.
Që atëherë, ai ka vazhduar obsesionin e tij dhe pretendon se 95 për qind e trupit të tij është i mbuluar me tatuazhe – duke përfshirë gjuhën dhe organet gjenitale.
Ndërsa dëshiron të shndërrohet në një "përbindësh të bukur", ai ka ndarë edhe gjuhën, ka modifikuar veshët dhe ka ndërruar dhëmbët e tij natyralë me dhëmbë metalikë.
Ai ka shtuar tre implante nënlëkurore në kokën e tij, për të përsëritur pamjen e "brirëve".
"Unë shpresoj të arrij pamjen e një demoni," tha Victor.
Victor pretendon se dhimbja "nuk ekziston" pasi është vetëm në kokën tonë dhe beson se njerëzit duhet të dominojnë dhimbjen, në mënyrë që ta shijojnë atë.
Në një shkallë nga një deri në dhjetë, ai shënoi procedurën me një tre dhe thotë se nuk dëmton, pasi është argëtuese.
