Pamje të rënda/ 30 vjeçari bërtet "Allahu Akbar" dhe plagos me thikë dy persona në Gjermani
Nga Ora News Përditësimi i fundit 10 Shtator 2022, 08:32
Një burrë me thikë në dorë duke bërtitur "Allahu Akbar" plagosi dy persona në një qytet jugor të Gjermanisë të enjten përpara se të qëllohej për vdekje nga policia.
30-vjeçari sulmoi disa kalimtarë me një thikë, pranë stacionit të trenit në Ansbach, një qytet bavarez afër Nuremberg, tha policia lokale.
Dy persona janë plagosur, por ata janë jashtë rrezikut për jetën, thuhet në deklaratë.
Kur forcat e sigurisë ndërhynë, sulmuesi sulmoi policinë e cila hapi zjarr dhe e plagosi për vdekje.
Hetuesit thanë se po hetonin një 'kontekst të mundshëm islamist ose terrorist'.
"Personi bërtiti "Allahu Akbar" disa herë gjatë kryerjes së krimit," tha policia, duke shtuar se ata po hetonin "nëse krimi kishte një lidhje me një kontekst islamik apo terrorist".
Pamjet më poshtë tregojnë vrasësin me thikë duke ndjekur njerëzit nëpër një parking makinash.
