Zbulohet skeleti i dinosaurit më të vjetër në Afrikë
Nga OraNews Përditësimi i fundit 31 Gusht 2022, 17:31
Një ekip ndërkombëtar paleontologësh ka zbuluar një skelet të dinosaurit, i cili është më i vjetri i gjetur ende në Afrikë.
Sipas mediave të huaja, besohet se ai ka jetuar rreth 230 milionë vjet më parë .
Skeleti i tij u gjet papritur i paprekur në veri të Zimbabve. Bëhet fjalë për një dinosaur të vogël me bisht të gjatë, i cili arrinte një gjatësi prej rreth dy metrash dhe kishte një peshë prej 10 deri në 30 kilogramë. ‘Mbiresaurus Raathi,’ kishte një kokë relativisht të vogël me dhëmbë të vegjël trekëndësh. Ndoshta ishte barngrënës ose gjithëpërfshirës.
Emërtimi i dinozaurit u bë për shkak se Mbire është emri i zonës ku u zbulua kafsha e lashtë, ndërsa Raathi, u emërua për nder të paleontologut Michael Raath, i cili së pari gjeti fosile në veri të Zimbabve.
Fosili Mbiresaurus do ruhet përkohësisht në Virginia Tech, ku u pastrua dhe u studiua, por më pas do të zhvendoset në Muzeun e Historisë Natyrore të Zimbabve.
