Spanjë, kamera në të gjitha thertoret, do verifikohen nëse kafshët keqtrajtohen para se të theren
Nga OraNews Përditësimi i fundit 24 Gusht 2022, 15:23
Abuzimi me kafshët në Spanjë nuk do të jetë më aq i thjeshtë.
Sipas mediave të huaja, të gjitha thertoret do të instalojnë sisteme të mbikëqyrjes me video, për të ruajtur imazhet për 30 ditë.
E gjithë kjo do të bëhet për të siguruar të jetë e mbrojtur "mirëqenia e kafshëve’. Kjo u bë e ditur nga qeveria spanjolle, e cila miratoi një dekret ligj për këtë çështje.
Ministri i Konsumit Alberto Garzón është shprehur se kamerat do të ndihmojnë në përmirësimin e sigurisë ushqimore dhe shmangnien e abuzimit me kafshët.
Ndërkohë drejtuesit e thertores do të jenë të detyruar të ruajnë pamjet e shkrepura nga sistemet e kamerave dhe t'i vënë në dispozicion për kontrolle të mundshme.
