Nxorri dorën i vodhën orën. Lewandowski bie viktimë e hajdutëve ndërsa firmoste autografe (VIDEO)
Nga OraNews Përditësimi i fundit 18 Gusht 2022, 22:17
Kërkoi me çdo kusht transferimin te Barcelona si një klub ku kishte ëndërruar gjithmonë që të luante por deri në këto momente po rezulton një zhgënjim i vërtetë ky transferim për Robert Lewandowskin.
Sikur të mos mjaftonte fakti që nuk e gjeti rrugën e rrjetës në ndeshjen e parë zyrtare, polaku është bërë shënjestër e një grupi keqbërësish të cilët i kanë rrëmbyer orën në hyrje të selisë së klubit duke e bërë të kalojë një eksperiencë aspak të lumtur, përkundrazi, shumë traumatike.
Sipas raportimeve mediatike nga Katalonja, ngjarja ka ndodhur në momentin që Lewa po firmoste disa autografë nga makina e tij dhe në atë moment tre persona i kanë kapur dorën duke i hequr orën me vlerë 75 mijë euro.
E përdishmja “Sport” raporton se i ndoqi Lewa fillimisht e më pas policia që bëri të mundur ndalimin e tyre dhe rikuperimin e objektit të shtrenjtë të numrit 9.
